Пашкаўскі КПК дзіцячы сад – базавая школа стаў пераможцам акцыі-конкурсу «Макулатуру – у перапрацоўку. Нашы турботы, а не янота»

Пашкаўскі КПК дзіцячы сад – базавая школа Магілёўскага раёна стаў пераможцам акцыі-конкурсу «Макулатуру – у перапрацоўку. Нашы турботы, а не янота». У намінацыі «Найлепшая сельская школа з агульнай колькасцю навучэнцаў больш за 80 чалавек» установа адукацыі заняла першае месца. Тут сабралі 37,4 кг макулатуры на аднаго навучэнца. Узнагародай калектыву школы стане ноўтбук і дыплом адпаведнай ступені.

Дыпломы за ўдзел у акцыі-конкурсе таксама будуць накіраваны на адрас СШ №40 Магілёва, Кадзінскай сярэдняй школы, КПК Малашкавіцкі дзіцячы сад – базавая школа Клімавіцкага раёна, Мурынборскі КПК яслі – сад – сярэдняя школа Касцюковіцкага раёна.

Акцыя-конкурс праводзілася ў чатыры этапы з верасня 2018 года. У спаборніцтве прыняло ўдзел 218 гарадскіх і 229 сельскіх школ краіны. Журы вызначыла 12 пераможцаў (1, 2, 3 месцы) у чатырох намінацыях.

Арганізатарамі спаборніцтва «Макулатуру – у перапрацоўку. Нашы турботы, а не янота» выступілі Міністэрства жыллёва-камунальнай гаспадаркі, Дзяржаўная ўстанова «Аператар другасных матэрыяльных рэсурсаў» у межах руху «Мэта 99» і кампаніі «Нашы турботы, а не янота».