Пасяджэнне Камісіі Парламенцкага сходу па энергетыцы і транспарце пройдзе ў Магілёве

На пасяджэнні Камісіі Парламенцкага Кходу па энергетыцы і транспарце, якое адбудзецца 10 лістапада ў Магілёве, парламентарыі разгледзяць ход работы па падрыхтоўцы саюзных інтэграцыйных праграм у галіне электрычнай энергіі і рынку газу. Удзел у ім прымуць прадстаўнікі Пастаяннага камітэта Саюзнай дзяржавы, міністэрстваў і ведамстваў Беларусі і Расіі, прадстаўнікі органаў улады Магілёўскай і Бранскай абласцей.

Дэпутаты абмяркуюць ход работы па фарміраванні аб’яднанага рынку газу, аб’яднанага рынку электрычнай энергіі і развіцці атамнай энергетыкі ў Беларусі і Расіі. Акрамя таго, будуць разгледжаны пытанні аб ходзе выканання бюджэту Саюзнай дзяржавы на 2022 год і аб падрыхтоўцы праекта бюджэту Саюзнай дзяржавы на 2023 год.

Удзельнікі пасяджэння прааналізуюць стан і тэндэнцыі развіцця супрацоўніцтва паміж Магілёўскай і Бранскай абласцямі, намецяць далейшыя яго перспектывы. Таксама падчас візіту ў Магілёў парламентарыі азнаёмяцца з працай РУП «Магілёўаблгаз» і наведаюць гісторыка-культурныя аб’екты Прыдняпроўскага краю.

Рэд.