У Магілёўскай вобласці 15 сакавіка пройдзе патрыятычная акцыя «Наша Канстытуцыя», ініцыяваная абласной арганізацыяй Беларускага прафсаюза работнікаў мясцовай прамысловасці і камунальна-бытавых прадпрыемстваў.
Як распавёў старшыня абласной арганізацыі Павел Жуйкоў, акцыя стала часткай прафсаюзнай ініцыятывы «Справа кожнага», якая стартавала ў пачатку года, прысвечанай Году міру і стварэння. У акцыі «Наша Канстытуцыя» прымуць удзел працоўныя калектывы, якія прысвяцяць Асноўнаму закону краіны шэраг мерапрыемстваў. Так, па ініцыятыве пярвічных прафсаюзных арганізацый пройдуць сходы, на якіх работнікам раскажуць пра гісторыю развіцця канстытуцыйнага заканадаўства ў Беларусі і пазнаёмяць з асноўнымі палажэннямі дакумента. Акрамя таго, маладым супрацоўнікам арганізацый уручаць тэксты Канстытуцыі. Асобная ўвага будзе нададзена афармленню патрыятычных куткоў, размяшчэнню адпаведнай інфармацыі на стэндах.
«Перакананы, сёння выключна важна праводзіць такую інфармацыйную працу ў працоўных калектывах. Кожны член нашага грамадства павінен быць знаёмы з асноўнымі пастулатамі абноўленай год таму Канстытуцыі, якая ўмацавала прынцыпы народаўладдзя ў краіне», - сказаў на заканчэнне Павел Жуйкоў.
Пры выкарыстанні матэрыялаў актыўная гіперспасылка на mogilev-region.gov.by абавязковая
18.05.2024 - 16:59
18.05.2024 - 14:30
17.05.2024 - 17:59
17.05.2024 - 12:55
