Пайшоў з жыцця вядомы беларускі вучоны-аграрый Мікалай Папкоў

Магілёўскі абласны выканаўчы камітэт і Магілёўскі абласны Савет дэпутатаў выказваюць глыбокія спачуванні родным і блізкім Мікалая Андрэевіча Папкова ў сувязі з яго заўчаснай смерцю.

15 ліпеня 2021 года наша краіна панесла цяжкую і незамяняльную страту. На 71-м годзе пайшоў з жыцця выдатны чалавек, прафесіянал сваёй справы, праўдзівы патрыёт Беларусі, вучоны з вялікай літары, заслужаны работнік сельскай гаспадаркі Рэспублікі Беларусь.

Мікалай Андрэевіч прайшоў слаўны і цяжкі працоўны шлях. Больш чым 30 гадоў ён аддаў роднай Магілёўскай вобласці, дзе пачынаў працаваць галоўным заатэхнікам калгаса імя Андрэева саўгаса «Гарадзішча» Шклоўскага раёна, а пасля заняў пасаду намесніка міністра сельскай гаспадаркі і харчавання Рэспублікі Беларусь.

Апошнія 15 гадоў Мікалай Андрэевіч паспяхова кіраваў рэспубліканскім унітарным прадпрыемствам «Навукова-практычны цэнтр Нацыянальнай акадэміі навук Беларусі па жывёлагадоўлі».

Яго велізарны асабісты ўклад у развіццё аграпрамысловага комплексу краіны і сельскагаспадарчай навукі цяжка пераацаніць.

На кожным працоўным месцы Мікалай Андрэевіч Папкоў выяўляў найлепшыя якасці кіраўніка, вучонага і чалавека – сумленнасць, прыстойнасць, адказнасць, павагу да навакольных.

Увесь жыццёвы шлях Мікалая Андрэевіча – годны прыклад выканання грамадзянскага абавязку, прадыктаванага шчырай захопленасцю сваёй справай і любоўю да роднай зямлі.

Усе, хто працаваў з Мікалаем Папковым, усе, хто яго ведаў, надоўга захаваюць добрую і светлую памяць пра яго ў сваіх сэрцах.