Адпачыць, набрацца сіл і даведацца нямала новага змогуць юныя магіляўчане, якія на вясновых канікулах наведваюць прышкольныя лагеры.
У межах гарадской акцыі «Бяспечныя канікулы – на карысць!» кожны дзень у лагеры прысвечаны асобнай тэме: прававым ведам, дарожнай бяспецы, бяспечным паводзінам у інтэрнэце, спорту і турызму…
31 сакавіка хлопцы і дзяўчаты правядуць пад дэвізам «Я – грамадзянін Рэспублікі Беларусь», 1 красавіка іх чакае дзень пазітыву, 2 красавіка стане днём сямейнага адпачынку.
– Да тэматычных дзён прымеркавана мноства цікавых мерапрыемстваў, у тым ліку і агульнагарадскіх, сярод якіх – інтэрактыўныя гульні, квэсты, – расказалі ў аддзеле ідэалагічнай працы і па справах моладзі Магілёўскага гарвыканкама. – Да прыкладу, заўтра ў маладзёжным цэнтры «Палітра» на бульвары Непакораных а 10 раніцы адбудзецца флэшмоб «Вясновы настрой», 1 красавіка цэнтр патрыятычнага выхавання, што на вуліцы Першамайскай, запрашае на экскурсію ў музейны пакой «Баявая слава Магілёўшчыны», а 2 красавіка на базе падлеткавага клуба «Эдэльвейс» на вуліцы Сіманава пройдзе свята птушак. На 2 красавіка, да Дня яднання народаў Беларусі і Расіі, таксама прымеркавана акцыя «Адзіныя духам. Памяццю моцныя».
Традыцыйна ў канікулярны перыяд арганізавана работа камунікатыўнай пляцоўкі «Свяцёлка», якая арганізуецца Праваслаўнай царквой.
А яшчэ ва ўстановах адукацыі праходзяць мерапрыемствы ў межах рэспубліканскіх, абласных акцый, абласнога праекта «Мая зямля Прыдняпроўе», гарадскіх праектаў «Магілёў – горад камфорту і пазітыву», «Арміі воін славы варты», гарадской акцыі «Бяспечны інтэрнэт – дзецям» і шмат іншых, якія накіраваны на грамадзянска-патрыятычнае, маральнае, прававое выхаванне дзяцей, захаванне і ўмацаванне іх здароўя, творчае і інтэлектуальнае развіццё.
Усяго ж на вясновых канікулах на базе ўстаноў агульнай, сярэдняй адукацыі Магілёва працуюць 42 дзіцячыя лагеры з дзённым знаходжаннем, у якіх аздараўляецца 1879 юных магіляўчан. Тут функцыянуюць спартыўныя залы, гульнявыя пляцоўкі, камп’ютарныя класы, бібліятэкі, відэа-, арт-, музычныя салоны, пакоі псіхалагічнай разгрузкі, арт-пляцоўкі і многае іншае.
Пры выкарыстанні матэрыялаў актыўная гіперспасылка на mogilev-region.gov.by абавязковая
02.05.2024 - 15:29
30.04.2024 - 11:50
Прамыя тэлефонныя лініі пройдуць 4 мая ў Магілёўскай вобласці
29.04.2024 - 16:05
На аднаго выпускніка да дзесяці заявак - як у БДУТ прайшло размеркаванне