RU BY EN 中文
Twitter Instagram

Педагогі Горацкага раёна пашылі 350 масак для ўрачоў

Да агульнабеларускай ініцыятывы дапамагчы медыцынскім работнікам далучаецца ўсё больш людзей. Работнікі ўстаноў адукацыі Горацкага раёна таксама далучыліся да акцыі «Дзякуй медыкам». У кабінеце начальніка аддзела па адукацыі райвыканкама спецыялісты спакавалі для перадачы мясцовым медыкам 350 шматразовых ахоўных масак, якія зрабілі педагогі і выхавальнікі ўсіх школ і дзіцячых садкоў горада і раёна, а таксама падрыхтавалі пісьмовы зварот, словы падтрымкі медработнікам і цёплыя пажаданні.

– Шылі гэтыя маскі не толькі настаўнікі тэхнічнай працы, а ўсе, хто ўмее працаваць на швейнай машынцы, хто ў школах, хто дома. Зрабілі запас для сваіх калектываў, для кожнага работніка па некалькі штук, і вырашылі падтрымаць нашых медыцынскіх работнікаў. Літаральна за тры дні зрабілі 350 штук, якія перадалі ў райбальніцу, – расказаў начальнік аддзела Уладзімір Лебедзеў.

– Сёння кожны з нас у адказе за сябе, сваіх родных. Пачуццё міласэрнасці да блізкіх, тых, хто апынуўся ў бядзе, стала яшчэ мацнейшым, –гаворыць Таццяна Пазнякова, метадыст Горацкага вучэбна-метадычны кабінета. – У паўсядзённым жыцці мы часам не задумваемся аб тым, што зрабіць добрую справу не так ужо і складана. Дабрачыннасць – гэта не толькі фінансавая дапамога, можна дапамагаць і добрымі справамі.

Па матэрыяле gorkiv.by

Пры выкарыстанні матэрыялаў актыўная гіперспасылка на mogilev-region.gov.by абавязковая