Адкрытыя спаборніцтвы па мабільнай робататэхніцы ўпершыню прайшлі ў Бабруйску. Пра гэта паведамілі ў аддзеле тэхнічнай творчасці ДУА «Цэнтр творчасці дзяцей і моладзі г. Бабруйска».
У спаборніцтвах прыняло ўдзел 8 каманд дзяржаўных устаноў адукацыі. У горад на Бярэзіне прыехалі зборныя з чавускай СШ №2, гімназіі №3 г. Магілёва. Гаспадары турніру былі прадстаўлены навучэнцамі СШ № 34, дружынамі адукацыйнага цэнтра «Аксіёма» і аддзела тэхнічнай творчасці Цэнтра творчасці дзяцей і моладзі.
Спаборніцтвы праходзілі па двух напрамках. У выніку ў кампетэнцыі «Траекторыя LEGO» пераможцай стала каманда цэнтра «Аксіёма». Другое месца занялі вучні СШ № 34 Бабруйска. Бронза дасталася навучэнцам СШ № 2 г. Чавусы. У кампетэнцыі «Траекторыя ARDUINO» увесь п’едэстал гонару занялі зборныя аддзела тэхнічнай творчасці ДУА «Цэнтр творчасці дзяцей і моладзі г. Бабруйска».
Камандам-пераможцам і прызёрам уручылі дыпломы адпаведных ступеняў, а ўдзельнікам – падарункі ад спонсараў спаборніцтваў.
Акрамя спаборніцкай часткі, для дзяцей была арганізавана забаўляльна-гульнявая праграма з розыгрышамі прызоў. Дзеці змаглі паназіраць за шоу робатаў, прыняць удзел у майстар-класах па пачатковым тэхнічным мадэляванні, мадэляванні па 3D-друку. Для маленькіх гасцей працавала пляцоўка з аквагрымам, а старэйшыя маглі праверыць сваю трапнасць у лазертаг-ціры.
Аддзел тэхнічнай творчасці ДУА «Цэнтр творчасці дзяцей і моладзі г. Бабруйска» адкрыў лабараторыю высокіх тэхналогій у верасні 2018 года. Першы ў дадатковай адукацыі праект даў магчымасць развіваць інтэлектуальныя здольнасці і пазнаёміцца са сферай IT-тэхналогій.
Фота – Алена Бегуновіч
Пры выкарыстанні матэрыялаў актыўная гіперспасылка на mogilev-region.gov.by абавязковая
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці
15.04.2024 - 10:22
Удзельніца «Цягніка Памяці – 2022»: праект дапамог зірнуць на многія рэчы па-іншаму
12.04.2024 - 14:46
Больш за 6 тыс. маладых людзей Магілёўскай вобласці будуць працаваць у студатрадах
11.04.2024 - 16:44