Прадпрыемствы і арганізацыі Магілёўшчыны бясплатна навучаць асновам экспартнай дзейнасці

У цэнтры экспарту Магілёўскай вобласці, які функцыянуе на базе ААТ «Магілёўскае агенцтва рэгіянальнага развіцця», стартуе V адукацыйны праект «Школа экспарцёра». Гэта бясплатнае навучанне асновам экспартнай дзейнасці для прадстаўнікоў прадпрымальніцтва, арганізацый і прадпрыемстваў. Стартуе адукацыйны курс 2 красавіка.

Партнёрамі праекта выступілі Магілёўская асацыяцыя прамыслоўцаў і прадпрымальнікаў, Магілёўская мытня, БелДІСС, Магілёўскі філіял ААТ «Банк развіцця Рэспублікі Беларусь», філіял «Белэксімгарант-Магілёў», Магілёўскі філіял РУП «Белмытсэрвіс», Эканамічны суд Магілёўскай вобласці, ІМ Нацыянальны цэнтр маркетынгу і кан'юнктуры коштаў».

Праграма навучання ўніфікавана і арыентавана як на спецыялістаў, якія ўжо працуюць на міжнародным рынку, так і тых, хто толькі пачне выбудоўваць партнёрскія адносіны з замежнымі кампаніямі. Асноўная мэта адукацыйнага праекта - фарміраванне ў бягучых эканамічных умовах у рэгіянальных прадстаўнікоў прадпрымальніцтва ведаў, неабходных для ажыццяўлення экспартнай дзейнасці. Пасля заканчэння навучання слухачы атрымаюць сертыфікат.

СБ