Прадстаўнікі Магілёўскай вобласці ў ліку пераможцаў і лаўрэатаў «Залаты літары»

Урачыстая цырымонія ўзнагароджання пераможцаў і лаўрэатаў XXI Нацыянальнага конкурсу «Залатая літара» прайшла ў Гомельскім грамадска-культурным цэнтры ў рамках V Форуму медыйнай супольнасці Беларусі «Медыя сёння: фокус на праўду».

У ліку лаўрэатаў конкурсу - прадстаўнікі Магілёўскай вобласці: Інфармацыйнае агенцтва «Магілёўскія ведамасці», газета «Крычаўскае жыццё» і фотакарэспандэнт аддзела фотаінфармацыі ВД «Беларусь сёння» Андрэй Сазонаў.

Пераможцам у намінацыі «Лепшы аналітычны матэрыял» сярод абласных, раённых, гарадскіх друкаваных СМІ, інфармацыйных агенцтваў, сеткавых выданняў» стаў аўтарскі праект карэспандэнта Віялеты Захарэвіч «Не проста аб палітыцы» Інфармацыйнага агенцтва «Магілёўскія ведамасці».

Юлія Таранава, фота Галіны Гаўрыловіч