Прадстаўнікі Магілёўскай вобласці заваявалі ўзнагароды на этапе Кубка Беларускай федэрацыі біятлона

У Гарадку (Віцебская вобласць) адбыўся 4 этап Кубка Беларускай федэрацыі біятлона. У спаборніцтвах прынялі ўдзел 136 спартсменаў ва ўзросце ад 11 да 19 гадоў з усіх абласцей Беларусі і Мінска. Удзельнікі спаборнічалі ў асабістым і камандным першынствах.

На рахунку прадстаўнікоў Магілёўскай вобласці дзве ўзнагароды ва ўзроставай катэгорыі спартоўцаў 2006-2007 гадоў нараджэння. У мас-старце дзяўчат бронзавую ўзнагароду выйграла Алеся Патапенка, і другі бронзавы медаль Алеся Патапенка і Максім Ганчароў заваявалі ў змешанай эстафеце.

Па выніках 4 этапаў Кубка БФБ у агульным камандным першынстве лідзіруе каманда Віцебскай вобласці. Заключны 5 этап пройдзе ў сакавіку.

mogilevnews.by