Прадстаўнікі Магілёўскай вобласці заваявалі ўзнагароды на першынстве Беларусі па плаванні

У Магілёве завяршылася першынство Беларусі па плаванні ў праграме спаборніцтваў «Вясёлы дэльфін». У турніры прынялі ўдзел звыш 270 плыўцоў з усёй краіны — юніёры 2009 года нараджэння і маладзейшыя, а таксама юніёркі 2011 года нараджэння і маладзейшыя.

 

На рахунку каманды Магілёўскай вобласці 1 залатая і 3 бронзавыя ўзнагароды. Пераможцам турніру стаў Герман Паліўкін, які фінішаваў першым у фінальным заплыве на 100 метраў батэрфляем. Бронзавыя ўзнагароды заваявалі Ганна Ачыновіч (100 м брасам), а таксама ўдзельнікі эстафет 4х50 м вольным стылем і ў комплексным плаванні.