Прафсаюз дабіўся аднаўлення незаконна звольненага работніка ЖКГ Магілёўскай вобласці

Прафсаюз дабіўся аднаўлення на працы незаконна звольненага працаўніка адной з арганізацый ЖКГ Магілёўскай вобласці. Для гэтага спатрэбілася прайсці тры судовыя пасяджэнні, расказаў карэспандэнту старшыня абласной арганізацыі Беларускага прафсаюза работнікаў мясцовай прамысловасці і камунальна-бытавых прадпрыемстваў Павел Жуйкоў.

Мужчына добрасумленна адпрацаваў на прадпрыемстве больш за 13 гадоў і не меў дысцыплінарных спагнанняў, аднак патрапіў пад скарачэнне штата, хоць неаднаразова выказваў жаданне прадоўжыць працоўную дзейнасць у гэтым калектыве. Наймальніка нават не збянтэжыў той факт, што падначалены мае інваліднасць, а значыць, у адпаведнасці з нормамі працоўнага заканадаўства мае пераважнае права захавання працы.

«У парушэнне нормаў тарыфнага і абласнога галіновага пагадненняў, калектыўнай дамовы звальненне інваліда было зроблена без атрымання папярэдняй згоды прафсаюзнага камітэта арганізацыі, - удакладніў Павел Жукаў. - Для працаўніка такі паварот падзей стаў сур'ёзным ударам, бо ён пазбавіўся крыніцы існавання. Па дапамогу мужчына звярнуўся ў прафсаюз, дзе прыйшлі да высновы аб незаконнасці звальнення. Прафсаюзны юрыст дапамог скласці іскавую заяву і прадставіў інтарэсы работніка ў судзе».

Па выніках трох паседжанняў раённы суд аднавіў мужчыну на працы. З прадпрыемства па рашэнні суда спагнана Br500 кампенсацыі маральнай шкоды.

БЕЛТА