Больш за сотню юрыстаў Федэрацыі прафсаюзаў акажуць кваліфікаваную прававую дапамогу грамадзянам. Юрысты ФПБ пракансультуюць усіх жадаючых па пытаннях, звязаных з абаронай працоўных правоў і сацыяльна-эканамічных інтарэсаў.
У гэтым месяцы прафсаюзны прыём праводзіцца без выезду ў рэгіёны. Кансультаванне пройдзе па тэлефонах, нумары якіх можна даведацца на інтэрнэт-партале Федэрацыі прафсаюзаў Беларусі, а таксама патэлефанаваўшы ў арганізацыі прафсаюзаў свайго горада або раёна.
У 2019 годзе прафсаюзнымі юрыстамі на прыёмах было прынята больш за 4000 чалавек. Усім, хто звярнуўся, былі дадзены тлумачэнні, рэкамендацыі, падрыхтаваны працэсуальныя дакументы. Так, за мінулы год па просьбах работнікаў было падрыхтавана 804 працэсуальныя і іншыя дакументы, з іх – 624 у судовыя органы, 124 заявы ў камісіі па працоўных спрэчках. Пры непасрэдным удзеле прафсаюзаў адноўлена на працы 47 работнікаў.
Па патрабаванні прававых інспектараў працы і прадстаўнікоў прафсаюзаў работнікам вернута больш за 2,5 млн рублёў незаконна ўтрыманых або нявыплачаных грашовых сум.
Акрамя штомесячных прыёмаў, прававыя інспектары працы на пастаяннай аснове аказваюць юрыдычную дапамогу грамадзянам на бязвыплатнай аснове. Звярнуцца можна па тэлефоне, праз спецыяльны сэрвіс на інтэрнэт-партале ФПБ, пакінуць пісьмовы або электронны зварот.
Аналіз зместу зваротаў паказвае, што асноўная колькасць прыпадае на звароты па прававых пытаннях, якія закранаюць працоўную дзейнасць грамадзян (67%). Другімі па актуальнасці з’яўляюцца пытанні прымянення жыллёвага заканадаўства(10%), трэцімі – пенсійнага (6%).
Пры выкарыстанні матэрыялаў актыўная гіперспасылка на mogilev-region.gov.by абавязковая
