Праваахоўнікі падрыхтавалі памятку для бацькоў, як прадухіліць выпадзенне дзіцяці з акна

Праваахоўнікі падрыхтавалі памятку для бацькоў, як прадухіліць выпадзенне дзіцяці з акна. Пра гэта паведамілі ва УУС Мінаблвыканкама.

Захаванне асноўных правілаў бяспекі дапаможа захаваць жыццё і здароўе дзяцей. Дзіця не павінна знаходзіцца без нагляду ў памяшканні, дзе адкрыта акно ці ёсць хоць самая малая верагоднасць, што яно зможа само яго адкрыць. Фурнітура вокнаў і рамы павінны быць спраўныя, каб не адкрываліся самаадвольна або занадта лёгка для дзіцяці.

Калі пакідаеце дзіцяці аднаго на працяглы час у памяшканні, а зачыняць акно цалкам не хочаце, то ў выпадку са стандартнымі драўлянымі рамамі зачыніце акно на шпінгалеты знізу і зверху (не забывайце пра верхні шпінгалет, паколькі ніжні даволі лёгка адкрыць), адкрыйце фортку. «У выпадку з металапластыкавым акном пастаўце раму ў рэжым «франтальнае праветрыванне»: так маленькае дзіця не зможа само адкрыць акно. Нельга спадзявацца на рэжым «мікраправетрыванне»: ён дазваляе лёгка адкрыць акно, нават выпадкова тузануўшы за ручку. Не забывайце пра сродкі дзіцячай абароны на вокнах: металапластыкавыя вокны ў доме, дзе ёсць дзіця, неабходна абсталяваць спецыяльнымі прыладамі, якія блакіруюць адчыненне акна. Выхоўвайце дзіця правільна: не стаўце яго на падаконнік, не заахвочвайце самастойнае лажанне туды, строга папярэджвайце спробы такіх «гульняў». Тлумачце, што з адкрытага акна можна выпасці, таму яно небяспечнае», – дадалі ва УУС.

БЕЛТА