Прысягу на вернасць краіне прынеслі маладыя следчыя Магілёўскай вобласці

Напярэдадні Дня Незалежнасці маладыя следчыя Магілёўскай вобласці прынеслі прысягу на вернасць Айчыне і беларускаму народу. Пра гэта паведаміла афіцыйны прадстаўнік УСК па Магілёўскай вобласці Таццяна Старасотнікава.

Урачысты рытуал прайшоў ля мемарыяльнага знака ўпраўлення Следчага камітэта па Магілёўскай вобласці. Словы клятвы вымавілі 19 лейтэнантаў - дзяўчат і юнакоў, якія ўсвядомленым выбарам і працай дасягнулі звання афіцэра і гатовы забяспечваць законнасць і справядлівасць.

Начальнік упраўлення Следчага камітэта па Магілёўскай вобласці Уладзімір Шышко падкрэсліў значнасць падзеі. «Сёння пачынаецца ваш прафесійны шлях, - адзначыў ён. - Прынясенне прысягі не проста фармальнасць, а сапраўды важная і запамінальная падзея ў кар'еры кожнага афіцэра. Асаблівую значнасць гэтаму моманту надае тое, што вы клянецеся ў вернасці свайму народу і краіне напярэдадні такога важнага для ўсіх беларусаў свята. Я заклікаю вас быць вернымі словам прысягі і шчыра служыць нашай Радзіме, абараняючы правы нашых грамадзян».

Цырымонія завяршылася ўзнагароджваннем удзельніц парада ў Дзень Перамогі. Дзяўчаты, якія паспяхова прадставілі ведамства на ўрачыстым маршы 9 мая, сёння сталі ўладальніцамі лістоў падзякі ад Цэнтральнага апарата Следчага камітэта.

БЕЛТА