Пытанні па харчаванні школьнікаў можна адрасаваць у чат-бот Мінадукацыі

У мінулым навучальным годзе ў 23 установах адукацыі праводзіўся пілотны праект па арганізацыі школьнага харчавання. Былі апрабаваны новыя тэхналогіі прыгатавання ежы. Змяніліся і некаторыя прынцыпы арганізацыі школьных абедаў. Станоўчыя вынікі пілотнага праекту плануецца паэтапна распаўсюдзіць на ўсе школы.

Вырашана, што школьнікі 1-4 класаў будуць атрымліваць сняданак, абед, падвячорак, а 5-11 класаў - абед, падвячорак, вячэру. Напрыклад, час сняданку рэкамендуецца праз 2-2,5 гадзiны ад пачатку работы школы.

У Мінадукацыі растлумачылі, што стравы будуць гатаваць, як правіла, з выкарыстаннем падрыхтаванага інфармацыйнага зборніка тэхналагічных карт страў і вырабаў, распрацаваных з улікам смакавых пераваг навучэнцаў. Усе стравы і вырабы прайшлі эксперыментальную тэхналагічную адпрацоўку, грунтуюцца на прымяненні зберагалых метадаў кулінарнай апрацоўкі і прызначаны для забеспячэння рэалізацыі прынцыпаў здаровага харчавання.

Павялічаны грашовыя нормы расходаў на харчаванне ў залежнасці ад тыпу, віду ўстановы адукацыі і ўзросту навучэнцаў. Напрыклад, грашовая норма для 6-10 гадоў складае пры 3-разавым харчаванні Br4,58 (Br5,95 - калі корміць КШП): сняданак - Br1,6 (Br2,08), абед - Br2,29 (Br2,98), падвячорак - Br0,69 (Br0,89).

БЕЛТА