Пытанні прафілактыкі падлеткавай злачыннасці абмеркавалі на пазачарговым паседжанні КСН аблвыканкама

Пазачарговае паседжанне камісіі па справах непаўналетніх Магілёўскага аблвыканкама адбылося сёння пры ўдзеле старшыні камісіі - намесніка старшыні аблвыканкама Алега Стэльмашка, начальніка аддзела пракуратуры Магілёўскай вобласці Святланы Кашняровай, а таксама членаў абласной камісіі, іншых зацікаўленых службаў. Праз відэаканферэнцсувязь у рэгіянальных студыях падключыліся да сходу старшыні тэрытарыяльных КСН і іх намеснікі, прадстаўнікі органаў упраўленняў адукацыі, унутраных спраў і інш.

На парадак дня было вынесена пытанне выканання заканадаўства, накіраванага на прафілактыку безнагляднасці і правапарушэнняў непаўналетніх.

Як адзначыў Алег Стэльмашок, у рэгіёне арганізавана сістэмная работа па прафілактыцы правапарушэнняў у падлеткавым асяроддзі і крымінагенная абстаноўка, у цэлым, застаецца кантралюемай. Пры гэтым, аналіз мерапрыемстваў, якія рэалізуюцца, і выяўленых у іх недахопаў значна зніжаюць патэнцыял праводзімай работы. У сувязі з чым старшыня абласной камісіі звярнуў увагу на неабходнасць прыняцця вычарпальных мер па забеспячэнні бяспекі дзяцей і падлеткаў, устараненне прычын і ўмоў, якія садзейнічаюць іх супрацьпраўным паводзінам.

У ходзе пасяджэння заслуханы справаздачы службовых асоб аб прынятых мерах па недапушчэнні прабелаў у далейшай рабоце. «Належнае ўзаемадзеянне зацікаўленых службаў, стабільны ведамасны кантроль за дзейнасцю падпарадкаваных на месцах, а таксама добрасумленнае выкананне службовых абавязкаў і намечаных мерапрыемстваў забяспечыць вырашэнне пастаўленых задач», - падкрэсліла ў сваім выступленні Святлана Кашнярова.

Па выніках паседжання прынята пастанова, у якой вызначаны арганізацыйна-практычныя меры, накіраваныя на павышэнне рэзультатыўнасці праводзімай работы.

Юлія Таранава, фота Галіны Гаўрыловіч