Пытанні водазабеспячэння і будаўніцтва дарог абмеркавалі на пасяджэнні пастаяннай камісіі абласнога Савета дэпутатаў

На пасяджэнні пастаяннай камісіі па прамысловасці, будаўніцтве, транспарце, сувязі, ЖКГ і дарожнай гаспадарцы Магілёўскага абласнога Савета дэпутатаў абмеркавалі пытанні па забеспячэнні насельніцтва пітной вадой, а таксама будаўніцтве, утрыманні, рамонце аўтамабільных дарог і развіццю транспартнай інфраструктуры на тэрыторыі Магілёўскай вобласці. Удзел у ім прынялі старшыня абласнога Савета дэпутатаў Аляксандр Гарошкін, старшыня пастаяннай камісіі Уладзімір Кісель, намеснік генеральнага дырэктара - галоўны інжынер УПКПВКХ «Магілёўаблводаканал» Аляксей Пудаў, генеральны дырэктар КУП «Магілёўаблдарбуд» Ігар Нікітка.

Паводле даных галоўнага ўпраўлення ЖКГ аблвыканкама, 95,63% жыхароў рэгіёну падключаны да цэнтралізаванага водазабеспячэння, уключаючы 1,17%, якія абслугоўваюцца ведамаснымі крыніцамі. На 1 студзеня бягучага года 99,12% спажыўцоў, якія выкарыстоўваюць камунальныя сістэмы, атрымліваюць ваду пітной якасці. У рамках дзяржпраграмы «Камфортнае жыллё і спрыяльнае асяроддзе» за 2021-2024 гады пабудаваны 117 станцый абезжалезвання, 13 артэзіянскіх свідравін, перападключаны 11 населеных пунктаў да цэнтралізаваных сетак, а ў 143 сельскіх пунктах устаноўлены міні-станцыі. На гэтыя мэты накіравана Br55,2 млн, уключаючы сродкі рэспубліканскага (Br18,1 млн) і абласнога (Br35,5 млн) бюджэтаў, а таксама ўласныя рэсурсы «Магілёўаблводаканала» (Br2,88 млн). У 2025 годзе для дасягнення 100% даступнасці пітной вады запланавана пабудаваць 59 станцый абезжалезвання, 3 артэзіянскія свідравіны, перападключыць 11 населеных пунктаў і ўстанавіць ачышчальнае абсталяванне ў 93-х, правесці ўстаноўку 70 праточных фільтраў са зменнымі картрыджамі.

Камітэт па архітэктуры і будаўніцтве праінфармаваў, што за 2024 год адрамантавана, пабудавана і рэканструявана 531,8 км мясцовых дарог, з якіх 444,1 км ужо ўведзены ў эксплуатацыю. Абноўлена таксама 118,8 пагонных метраў дарожных збудаванняў. Паказчыкі 2024 года выкананы ў поўным аб'ёме, работа прадаўжаецца ў бягучым перыядзе. Удзельнікі пасяджэння падкрэслілі важнасць сінхранізацыі намаганняў для дасягнення мэт нацыянальных праграм, асабліва ў кантэксце павышэння якасці жыцця ў сельскай мясцовасці.

Юлія Таранава