Работнік МНС у вольны ад службы час выратаваў на пажары чалавека

У нядзелю, 13 сакавіка, а 12.10 выратавальнікам паступіла паведамленне аб пажары ў жылым доме на вуліцы Курака ў Магілёве. Выклікаў ратавальнікаў Яраслаў Ветраў, галоўны спецыяліст аддзела маркетынгу, дагаворнай працы і рэчавага забеспячэння Магілёўскага абласнога ўпраўлення МНС, які жыве ў суседнім пад’ездзе. Ён убачыў дым з акна кватэры на першым паверсе, пасля чаго паведаміў пра пажар у МНС і прыняў рашэнне самастойна выратаваць чалавека ўнутры. Яраслаў выбіў драўляныя ўваходныя дзверы ў кватэру, знайшоў на падлозе ў задымленым пакоі гаспадара і выцягнуў яго на лесвічную пляцоўку. Брыгада хуткай медыцынскай дапамогі шпіталізавала мужчыну ў бальніцу з атручваннем прадуктамі гарэння.

Работнікі ПАВЧ-6 Павел Юркевіч і Арцём Міранкоў у задымленай кватэры паверхам вышэй знайшлі і вывелі на свежае паветра 75-гадовую пенсіянерку. Жанчына не пацярпела.

У выніку агнём у пакоі пашкоджана маёмасць, закураны сцены і столь. Меркаваная прычына пажару – неасцярожнае абыходжанне з агнём пры курэнні.

Рэд.