Рамонт дарог і субсідыі шматдзетным для будаўніцтва жылля: Анатоль Сівак правёў асабісты прыём у Бабруйску

На гэты раз на асабісты прыём да Анатоля Сівака звярнуліся трое жыхароў Бабруйска. Месяц таму Намеснік Прэм'ер-міністра праводзіў ужо прыём у гэтым горадзе. Як растлумачыў Анатоль Сівак, паўторны візіт праз такі кароткі тэрмін звязаны з намерам даць ацэнку рабоце са зваротамі грамадзян гарадскіх уладаў:

- Справа ў тым, што месяц таму на прыём прыйшлі грамадзяне, якія не паспелі запісацца, а потым яшчэ ў Менск перадалі каля сямі пісьмовых зваротаў. Таму і было прынятае рашэнне прыехаць праз месяц і даць магчымасць людзям выказаць усе свае праблемы. Праца не заканчваецца прыёмам: мы будзем разбірацца з тым, як вырашаліся пытанні грамадзян, якія прагучалі месяц таму.

На гэты раз адно з пытанняў датычылася асфальтавання дарог на вуліцах у прыватнай забудове. Тыя, хто звярнуўся, скардзіліся на ямы, праблемы з пад'ездам хуткіх. Дарэчы, на суседніх вуліцах дарожнікі ўжо выканалі работы па прывядзенні ў належны стан праезнай часткі і пешаходных дарожак. Анатоль Сівак пагадзіўся, што пытанне па рамонце дарог актуальнае ў цэлым для краіны. У гэтым годзе Прэзідэнт звяртаў увагу на абгрунтаваныя звароты грамадзян па стан дарог. На гэтыя мэты будуць выдзелены дадатковыя рэсурсы, - адзначыў віцэ-прэм'ер. Што да звароту бабруйчан, Анатоль Сівак паабяцаў узяць зварот пад асабісты кантроль і прапанаваў замест асфальтавага бетоннае пакрыццё.

Яшчэ адно пытанне са сферы ЖКГ датычылася капітальнага рамонту «хрушчоўкі». На думку жыхара, дом знаходзіцца ў нездавальняючым стане. Анатоль Сівак даў даручэнне гарадскім службам правесці абследаванне пабудовы і вынесці вердыкт - ці мае патрэбу дом у капітальным рамонце.

Шматдзетная маці звярнулася на прыём з кватэрным пытаннем. Сям'я з пяці чалавек пражывае ў двухпакаёвай кватэры, якую ў свой час не пабудавалі як маладая сям'я з прыцягненнем субсідый. Менавіта гэта і стала загваздкай, каб зноў скарыстацца дзяржаўнай субсідыяй для будаўніцтва яшчэ адной кватэры, пашырэнне жылплошчы стала актуальным пытаннем з нараджэннем дзіцяці-інваліда. Размова ідзе аб Указе нумар 13 «Аб некаторых пытаннях прадастаўлення грамадзянам дзяржаўнай падтрымкі пры будаўніцтве (рэканструкцыі) або набыцці жылых памяшканняў». Жанчына не згодна з адмовай па прадастаўленні субсідыі. Як адзначыў віцэ-прэм'ер, у рэспубліцы няма сёння праблемы з дэфіцытам сродкаў на такія субсідыі. Так, летась забраніраваныя на гэтыя мэты грашовыя сродкі нават не былі поўнасцю запатрабаваны. Анатоль Сівак запэўніў, што Міністэрству архітэктуры і будаўніцтва будзе дадзена даручэнне прааналізаваць канкрэтную сітуацыю. Не выключана, што вынікам стане ўнясенне паправак у норму закону.

СБ