Распрацоўку платформы для дыстанцыйнага навучання завершаць да канца года

Распрацоўку адзінай платформы для дыстанцыйнага навучання ў Беларусі завершаць да канца 2020 года. Пра гэта заявіў міністр адукацыі Ігар Карпенка ў эфіры тэлеканала «Беларусь 1».

«Пачынаем навучальны год у звычайным фармаце. Пры гэтым актыўна рыхтуемся да варыянтаў, якія могуць паўстаць пры развіцці той ці іншай сітуацыі. Нас шмат папракалі за адсутнасць адзінай адукацыйнай платформы для дыстанцыйнага навучання. Гэта не панацэя, яна не заменіць класна-ўрочную сістэму ў сярэдняй школе, прафесійнай адукацыі. Але разам з тым мы гэту працу праводзім. Да канца бягучага года адзіная дыстанцыйная платформа будзе распрацавана. Дарэчы, тэма вельмі цікавая не толькі для навучэнцаў, але і для маладых педагогаў», –заўважыў Ігар Карпенка.

Першапачаткова платформу запусцяць у тэставым рэжыме. Паўнавартасна яна павінна зарабіць з 1 верасня 2021/2022 навучальнага года.

Міністр адукацыі звярнуў увагу, што сумесна з Міністэрствам аховы здароўя распрацаваны метадычныя рэкамендацыі па арганізацыі адукацыйнага працэсу ва ўмовах каранавіруса. «Калі будуць узнікаць нейкія складанасці ў сувязі з уздымам сезонных вірусных інфекцый, то разам з Міністэрствам аховы здароўя будзем рэагаваць кропкава ў кожным канкрэтным выпадку. Падкрэслю, што будзем рэкамендаваць педагогам, усім, хто працуе з дзецьмі (і самім дзецям) зрабіць прышчэпкі», – дадаў Ігар Карпенка.

БЕЛТА