Рэалізацыя жывых кветак - толькі па правілах і ва ўстаноўленых месцах

У мэтах недапушчэння гандлю на тэрыторыі Магілёўскай вобласці жывымі кветкамі ў неўстаноўленых месцах, гаррайвыканкамамі, галоўным упраўленнем гандлю і паслуг Магілёўскага аблвыканкама сумесна з органамі ўнутраных спраў цяпер праводзяцца рэйдавыя мерапрыемствы.

У ходзе гэтых мерапрыемстваў вывучаецца работа юрыдычных асоб, індывідуальных прадпрымальнікаў, а таксама фізічных асоб, якія рэалізуюць кветкавую прадукцыю на выдзеленых плоскасных збудаваннях, гэта значыць ва ўстаноўленым месцы, на прадмет выканання імі патрабаванняў дзейнага заканадаўства.

У межах прадастаўленых паўнамоцтваў да асоб, якія займаюцца несанкцыянаваным гандлем, прымаюцца меры рэагавання.

Неабходна адзначыць, што ў адпаведнасці з пунктам 6 артыкула 13.11 Кодэкса Рэспублікі Беларусь аб адміністрацыйных правапарушэннях рэалізацыя фізічнай асобай, якая не ажыццяўляе прадпрымальніцкую дзейнасць, у грамадскім месцы па-за рынкам або іншым устаноўленым мясцовым выканаўчым і распарадчым органам месца тавару, цягне накладанне штрафу ў памеры да трох базавых велічынь.

Асаблівая ўвага кантралюючымі службамі ўдзелена наяўнасці ў фізічных асоб, якія ажыццяўляюць гандаль жывымі кветкамі, даведак, якія пацвярджаюць, што прадукцыя, што імі рэалізуецца, вырашчана на іх зямельным участку. Пры ўстанаўленні такіх выпадкаў інфармацыя перадаецца ў падатковыя органы вобласці для прыняцця мер у адпаведнасці з нормамі дзеючага заканадаўства.

Рэд.