Магілёўская вобласць далучаецца да рэспубліканскай дабрачыннай акцыі «Аднаўленне святынь Беларусі. Нас аб’ядноўвае гісторыя і вера». Пра гэта паведамілі ў Магілёўскім абласным камітэце грамадскага аб’яднання «Беларускі рэспубліканскі саюз моладзі».
Са слоў суразмоўцаў, да канца месяца валанцёры руху «Добрае сэрца» плануюць прывесці ў парадак рэлігійныя аб’екты рэгіёна.
З заўтрашняга дня маладыя людзі пачнуць прыбіраць смецце і чысціць дарожкі на тэрыторыі Свята-Праабражэнскай царквы ў Дрыбіне. Таксама на гэтым тыдні запланавана добраўпарадкаванне тэрыторыі Свята-Мікольскай царквы Чавускага раёна. Тут моладзь пафарбуе платы і пабеліць дрэвы.
Будуць наводзіць парадак у Слаўгарадскім раёне валанцёры БРСМ «Добрае сэрца» з 12 па 16 красавіка. Тут хлопцы і дзяўчаты прыбяруць сухастой, высекуць дробны параснік, пафарбуюць масты, пакладуць дашчанае пакрыццё да крыніцы Пятра і Паўла ў в. Пацяраеўка, а таксама прыбяруцца ў в. Лясная.
У аграгарадку Палыкавічы Магілёўскага раёна маладыя людзі высекуць кусты, прыбяруць сухастой і смецце ля царквы Святой Тройцы. А ў аграгарадку Цяцерына Круглянскага раёна валанцёры добраўпарадкуюць тэрыторыю Крыніца-1 (гідралагічны помнік прыроды мясцовага значэння).
«Акцыя рэалізуецца БРСМ з 2013 года з мэтай выхавання і развіцця ў падрастаючага пакалення духоўна-маральных каштоўнасцей, заснаваных на традыцыях беларускага народа. З 2016 года стала міжканфесійнай, – падкрэслілі суразмоўцы. – Дарэчы, валанцёрскі рух «Добрае сэрца» з’яўляецца адным з вядучых напрамкаў дзейнасці БРСМ і аб’ядноўвае юнакоў і дзяўчат розных узроставых катэгорый».
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
26.08.2025 - 16:48
Роля моладзі ў захаванні і абароне гістарычнай памяці. Форум СД пройдзе ў Магілёве
21.08.2025 - 14:23
Больш за 150 чалавек сталі ўдзельнікамі злёту маладых спецыялістаў у Магілёўскім раёне
19.08.2025 - 12:50
12.08.2025 - 16:40
Беларуска-расійскі форум «Моладзь - за Саюзную дзяржаву» пройдзе ў Магілёве 4-8 верасня
30.07.2025 - 09:39
Ад лекцый да рэальнай працы. Студэнты з БРУ спрабуюць сябе ў справе