Традыцыйныя рэспубліканскія спаборніцтвы па лёгкай атлетыцы памяці заслужанага трэнера БССР Васіля Яроміна стартуюць у Магілёве сёння, паведамілі ў Магілёўскім гарвыканкаме.
Спаборніцтвы будуць праходзіць у спарткомплексе «Алімпіец» на працягу двух дзён.
У праграме 13 дысцыплін: бег на 60, 200, 400, 800, 1500 і 3000 м, бег з бар'ерамі на 60 м, спартыўная хада на 3000 м, змешаная эстафета 4х200 м, скачкі ў даўжыню і вышыню. Удзельнікамі будуць дзяўчаты і юнакі 2008-2010 гадоў нараджэння з розных куткоў краіны. Як адзначылі арганізатары, верагодна, удзел у спаборніцтве прымуць і расійскія спартсмены.
Цырымонія ўрачыстага адкрыцця пачнецца а 12.45. Пасля гэтага стартуюць папярэднія забегі ў дзяўчат і юнакоў. У першы дзень пройдуць забегі на розныя дыстанцыі, змешаная эстафета, а таксама спаборніцтвы па скачках у даўжыню і штурханні ядра. Завершыцца першы дзень спаборніцтваў цырымоніяй узнагароджання.
На наступны дзень, 11 сакавіка, пройдуць папярэднія забегі і забегі на розныя дыстанцыі. Працягнуцца спаборніцтвы трайнымі скачкамі. Узнагароджанне пераможцаў і закрыццё спаборніцтваў запланавана на 13.15.
Пры выкарыстанні матэрыялаў актыўная гіперспасылка на mogilev-region.gov.by абавязковая
29.04.2024 - 10:44
Ігар Бокій стаў пяціразовым чэмпіёнам Еўропы па параплаванні 2024 года
25.04.2024 - 11:59
24.04.2024 - 09:53
Ігар Бокій выйграў другое золата чэмпіянату Еўропы па параплаванню