РУП «Белпошта»: з усіх камерцыйных пасылак незалежна ад кошту перасылаемага ўкладання спаганяецца ПДВ

З усіх камерцыйных пасылак незалежна ад кошту перасылаемага ўкладання спаганяецца ПДВ, на ўкладанні коштам звыш 150 еўра дадаткова спаганяюцца мытныя плацяжы. Пра гэта паведамляецца на сайце РУП «Белпошта».

Змены ў парадак збору падатку на дабаўленую вартасць (ПДВ) пры трансгранічным гандлі ў Еўрапейскім Саюзе (далей – ЕС), прымяняльным да электроннай камерцыі, унесены з 1 ліпеня 2021 года.

Як паведамляецца ў афіцыйнай крыніцы, пры перасылцы тавараў для асабістага карыстання атрымальніка і яго сям’і, якія па сваім характары або колькасці не адлюстроўваюць якіх-небудзь камерцыйных інтарэсаў і кошт укладанняў якіх не перавышае 45 еўра, ПДВ не спаганяецца. Аднак, калі кошт укладання некамерцыйных адпраўленняў звыш 45 еўра, будуць налічвацца мытныя плацяжы.

Дарэчы, з мэтай скарачэння тэрмінаў перасылкі міжнародных паштовых адпраўленняў супрацоўнікі аб’ектаў паштовай сувязі складаюць мытныя дэкларацыі ў электронным выглядзе для наступнай перадачы іх у краіну прызначэння.

Для вызвалення сваіх атрымальнікаў, якія пражываюць у краінах ЕС, ад выплаты ПДВ інтэрнэт-крамы могуць зарэгістравацца ў сістэме IOSS (адзіны магазін імпарту) і выплачваць ПДВ самастойна.

У цяперашні час РУП «Белпошта» ажыццяўляе дапрацоўку праграмнага забеспячэння і інтэрнэт-партала для арганізацыі магчымасці пры афармленні электроннай мытнай дэкларацыі ўказваць рэгістрацыйны нумар адпраўніка (інтэрнэт-крамы), зарэгістраванага ў IOSS, для перасылкі тавараў электроннай камерцыі, імпартуемых у ЕС.

Рэд.