Рус Бел Eng 中文

Школьнік з Магілёва Данііл Шаройкін заваяваў дыплом III ступені на прэстыжным Усерасійскім конкурсе маладых навукоўцаў

У Санкт-Пецярбургу прайшоў юбілейны XV Балтыйскі навукова-інжынерны конкурс, арганізатарам якога выступіў Фонд падтрымкі маладых навукоўцаў «Час навукі». Сёння гэта самая буйная навуковая выстава-кірмаш для школьнікаў Расіі і краін СНД, якая спалучае ў сабе строгае судзейства навуковых праектаў навукоўцамі і выкладчыкамі найбуйнейшых ВНУ і сучасныя традыцыі ў арганізацыі навуковых моладзевых святаў.

У адборачных этапах спаборніцтва прыняло ўдзел больш за 2 тыс. старшакласнікаў з 1579 праектамі і даследаваннямі. У фінал было дапушчана 446 работ 598 найлепшых навучэнцаў з 70 рэгіёнаў Расіі, Беларусі, Украіны і Казахстана.

Юныя даследчыкі прадстаўлялі свае распрацоўкі ў 10 прадметных галінах: навукі аб Зямлі, экалогіі, фізікі, хіміі, робататэхніцы, праграмаванні і г.д. Фіналісты конкурсу на працягу двух дзён прэзентавалі свае праекты членам навуковага, педагагічнага, моладзевага журы і прадстаўнікам бізнес-супольнасці ў форме стэндавай абароны.

Навучэнец 11 «А» класа ДУА «Сярэдняя школа №18 г. Магілёва» Данііл Шаройкін з праектам «Распрацоўка партатыўнага прыбора для аператыўнага кантролю ўтрымання іонаў нітратаў і аммонійнага азоту ў вадзе розных крыніц» у катэгорыі «Навукі аб зямлі» ў адкрытым дыялогу даказаў, што яго даследаванне змяшчае элемент навуковага адкрыцця, у ім прадстаўлены новыя метады вырашэння пастаўленых задач і яно мае практычную значнасць.

Кампетэнтнае журы дало высокую ацэнку ўзроўню падрыхтоўцы навучэнца, сістэмнай і мэтанакіраванай дзейнасці педагогаў установы адукацыі.

Па выніках XV Балтыйскага навукова-інжынернага конкурсу Данііл Шаройкін быў узнагароджаны дыпломам III ступені і спецыяльнай прэміяй навуковага журы.

Акрамя таго, падзякай арганізатараў конкурсу адзначаны педагогі, якія падрыхтавалі пераможцу: настаўнік хіміі і біялогіі ДУА «Сярэдняя школа №45 г. Магілёў» Капралава К. А. і настаўнік біялогіі ДУА «Сярэдняя школа №18 г. Магілёва» Елісеева Н. А.

 

Пры выкарыстанні матэрыялаў актыўная гіперспасылка на mogilev-region.gov.by абавязковая