У Мінску падвялі вынікі рэспубліканскага конкурсу «Школа бяспекі». Пра гэта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.
Найлепшых знаўцаў АБЖ Беларусі выбіралі ў трох узроставых групах: малодшай – навучэнцы 1-4-х класаў, сярэдняй – 5-8-х класаў і старэйшай – 9-11-х класаў. Ад кожнай вобласці і Мінска на ўдзел у фінальным этапе конкурсу прыехалі пераможцы абласных этапаў.
Школьнікам прапаноўвалася прыняць удзел у «Брэйн-рынгу», прайсці камп’ютарнае тэставанне, падрыхтаваць вуснае выступленне. Пры выстаўленні адзнак журы звяртала ўвагу не толькі на змястоўнасць выступлення, але і на артыстызм кожнага ўдзельніка, уменне трымацца на сцэне, сюжэтную лінію і паўнату раскрыцця тэмы. Заключнае выпрабаванне фіналу было пабудавана па прынцыпе вядомай тэлевізійнай праграмы «Свая гульня».
Пераможцам і прызёрам конкурсу ўручылі заслужаныя ўзнагароды. У ліку найлепшых былі і прадстаўнікі Магілёўскай вобласці. Навучэнка СШ №2 Слаўгарада Юлія Кананкова заняла трэцяе месца ў сярэдняй узроставай групе. Прадстаўніцы Кручанскага КПК дзіцячага сада – сярэдняй школы Круглянскага раёна Дар’я Насовіч і Марына Прыльская заваявалі другое і трэцяе месцы ў малодшай і сярэдняй групе адпаведна.
Дар'я Насовіч пасярэдзіне
Марына Прыльская першая справа
Юлія Кананкова пасярэдзіне
Рэспубліканскі конкурс «Школа бяспекі» праходзіць з 2008 года. Яго асноўнай задачай з’яўляецца павышэнне цікавасці навучэнцаў да вывучэння АБЖ, развіццё ў іх творчых здольнасцяў, паглыбленне тэарэтычных ведаў і практычных уменняў па пытаннях бяспекі жыццядзейнасці.
Пры выкарыстанні матэрыялаў актыўная гіперспасылка на mogilev-region.gov.by абавязковая
27.02.2024 - 14:43
Праект «Памяць пакаленняў у імя будучыні» дазволіць моладзі больш даведацца пра вайну - Асмалоўская
23.02.2024 - 12:21
Горкі прэтэндуюць на статус сталіцы духоўнага адраджэння моладзі
23.02.2024 - 10:50
Як галасуе моладзь на ўчастку для галасавання ў БДСГА (відэа)
19.02.2024 - 16:45
«Заліковая размова» працягваецца з моладдзю Магілёўскай вобласці