У Віцебску прайшлі рэспубліканскія спаборніцтвы па зімовым шматбор’і «Здароўе» сярод школьнікаў, якія навучаюцца ў сельскай мясцовасці. У зборную каманду Магілёўскай вобласці ўваходзіла 14 юнакоў і дзяўчат 5–11 класаў з Кіраўскага, Бабруйскага, Клімавіцкага, Мсціслаўскага, Бялыніцкага, Хоцімскага, Чэрыкаўскага раёнаў.
У праграму спаборніцтваў уваходзілі стральба з пнеўматычнай вінтоўкі, сілавая гімнастыка, лыжныя гонкі.
Юныя шматборцы Магілёўшчыны, набраўшы 1481 бал, заваявалі 1-е агульнакаманднае месца, сур’ёзна апярэдзіўшы спартсменаў Віцебскай (1350 ачкоў, 2-е месца) і Гродзенскай (1202 ачкі, 3-е месца) абласцей.
Найбольш важкі ўклад у агульнакаманднае «золата» ўнеслі прадстаўнікі Кіраўскага раёна Аляксей Хархалёў і Анастасія Котава.
Рыхтавалі зборную каманду Магілёўскай вобласці да спаборніцтваў трэнеры Валерый Вароніч і Аляксандр Гацко.
Пры выкарыстанні матэрыялаў актыўная гіперспасылка на mogilev-region.gov.by абавязковая
