Што будзе новага на «Вялікі бард-рыбалцы» у 2024-м распавёў дырэктар музычнага фэсту

Музычны фестываль «Вялікая бард-рыбалка» пройдзе па традыцыі на берагах Чыгірынскага вадасховішча ў Быхаўскім раёне з 26 па 28 ліпеня. Сапраўдны падарунак для аматараў адпачыць на прыродзе і парыбачыць.

Што будзе новага на фэсце ў 2024-м у студыі праграмы «Новая раніца» на РТР-Беларусь распавёў Сяргей Кулягін, аўтар-выканаўца, дырэктар музычнага фестывалю «Вялікая бард-рыбалка».

Сяргей Кулягін:

- Мы стараемся на фестывалі «Вялікая бард-рыбалка» не толькі рабіць забаўляльную праграму, у нас шмат моладзі прыязджае, людзі прыязджаюць сем'ямі, стараемся рабіць выхаваўчы аспект, патрыятычную праграму.

Сёлета ў нас будзе вялікі праект сумесна з выдавецкім домам «Беларусь сёння», гэта будзе выставачны праект патрыятычнага характару «Абеліскі вялікага подзвігу». Будзе выстава, на якой будуць прадстаўлены нашыя знакавыя аб'екты, як нацыянальныя, так і рэгіянальныя, лакальныя. Мы плануем у рамках гэтага праекта выехаць з дэлегацыяй з ускладаннем кветак на адзін з памятных аб'ектаў у Магілёўскай вобласці.

Таксама мы рыхтуем канцэрт, сімвалічна, што сёлета адзначаецца яшчэ стагоддзе Булата Шалвовіча Акуджавы. Будзем рабіць канцэрт, прысвечаны стагоддзю гэтага вялікага генія.

СТВ