Спартландыя «Бітва двароў» сярод маладых сем’яў Магілёва пройдзе 27 чэрвеня

Гарадская спартландыя «Бітва двароў» сярод маладых сем’яў Магілёва пройдзе 27 чэрвеня з 11.00 на спартыўнай пляцоўцы 7 корпуса МАУВА «Беларуска-Расійскі ўніверсітэт» (вул. Ленінская, 89Б).

У спаборніцтве прымуць удзел па 2–3 каманды ад Ленінскага і Кастрычніцкага раёнаў – бацькі ва ўзросце 30–42 гадоў і іх дзеці 10–12 гадоў. Яны прадставяць адну (ці дзве суседнія) дваровыя тэрыторыі. Удзельнікам трэба будзе праявіць сябе ў візітнай картцы, спартыўных эстафетах і конкурсе капітанаў.

Спартландыя праводзіцца з мэтай папулярызацыі ладу шчаслівай маладой сям’і і фарміравання пазітыўных установак у дачыненні да сям’і і сямейнага ладу жыцця сярод моладзі.

Арганізатарамі мерапрыемства выступаюць Магілёўская гарадская арганізацыя ГА «Беларускі рэспубліканскі саюз моладзі», аддзел ідэалагічнай работы і па справах моладзі Магілёўскага гарвыканкама, ДУ «Магілёўскі гарадскі фізкультурна-спартыўны клуб».

Рэд.