Спартсменаў II Еўрапейскіх гульняў у Мінску накормяць бульбароламі

Стравы беларускай кухні стануць асноўнымі ў меню удзельнікаў II Еўрапейскіх гульняў у Мінску. Хто будзе карміць спартсменаў – высвятлялі на конкурсе кулінарнага прафмайстэрства ў Магілёўскім дзяржаўным універсітэце харчавання.

Спаборніцтвы сярод студэнтаў-старшакурснікаў МДУХа праводзяць штогод. У 2019-м конкурс упершыню набыў міжнародны статус: паспаборнічаць у кухарскай справе ў Магілёў прыехалі студэнты Новасібірскага ўніверсітэта кааперацыі.

Ацэньвала навыкі ўдзельнікаў прафесійная дэгустацыйная камісія, аднак пераможцаў і прайграўшых у гэтых спаборніцтвах няма. Па выніках конкурсу маладыя кулінары атрымаюць не толькі дыпломы. Іх вынікі будуць улічаныя пры прысваенні ім поварскага разраду.

Акрамя таго, 100 повараў з ліку студэнтаў Магілёўскага дзяржаўнага ўніверсітэта харчавання летам адправіцца ў Мінск, каб працаваць у складзе сэрвіснага атрада на II Еўрапейскіх гульнях.

ТРК «Магілёў»