Спецыялістаў па функцыянальным харчаванні будуць рыхтаваць у МДУХ (відэа)

У лабараторыі на кафедры тэхналогіі хлебапрадуктаў Магілёўскага дзяржуніверсітэта харчавання студэнты працуюць над функцыянальнымі прадуктамі харчавання. Функцыянальныя – гэта значыць узбагачаныя карыснымі інгрэдыентамі.

Да прыкладу, калі ў аўсяную кашу дадаць растваральную клятчатку, яна дапаможа знізіць узровень халестэрыну. А калі апельсінавы сок ўзбагаціць кальцыем – напой прынясе карысць косткам і зубам. Дабаўка часнаку ў адны стравы і прабіётыкі ў іншыя гарантуе іх карыснасць. Хто набыў новую спецыялізацыю, будзе ведаць, як зрабіць так, каб прадукт даваў максімальную карысць. Функцыянальную накіраванасць мараць надаць прадуктам, напрыклад, чыпсам.

Лозунг «Ежа як лекі» – не новы, але функцыянальныя прадукты харчавання сталі з’яўляцца некалькі дзесяцігоддзяў таму як адказ на тэхнічныя дасягненні і змены харчовых звычак людзей. Таму сёння інжынеры-тэхнолагі з такой спецыялізацыяй патрэбныя на ўсіх харчовых прадпрыемствах краіны.

ТРК «Могилев»