Старшакласнікам Магілёва ў інтэрактыўным фармаце раскажуць аб рабоце праваахоўнікаў

У Магілёве 18 лютага пройдзе прафарыентацыйнае мерапрыемства «Святая справа - Радзіме служыць». Пра гэта паведамілі ва УУС Магілёўскага аблвыканкама.

Мерапрыемства для вучняў 9-11-х класаў устаноў адукацыі рэгіёну будзе арганізавана на базе АМАП УУС Магілёўскага аблвыканкама. Рабятам раскажуць аб паступленні ў Акадэмію і Інстытут МУС, а таксама аб прыёме на службу ў органы ўнутраных спраў краіны.

Падчас такога дня адчыненых дзвярэй моладзь убачыць навінкі спецтэхнікі і ўзбраення байцоў АМАПа і супрацоўнікаў Дзяржаўтаінспекцыі, ацэніць вывучку службовых сабак, паўдзельнічае ў спартыўных конкурсах. Акрамя таго, хлопцаў накормяць сапраўднай салдацкай кашай.

Усіх жадаючых чакаюць на адрас: Магілёў, вул.Кісялёва, 1. Мерапрыемства пачнецца ў 11.00.

БЕЛТА