Старшакласнікаў Магілёўскай вобласці запрашаюць прыняць удзел у Кірмашы IT-спецыяльнасцей

Кірмаш IT-спецыяльнасцей для старшакласнікаў Магілёўскай вобласці правядуць 30 сакавіка Магілёўскае агенцтва рэгіянальнага развіцця сумесна з галоўным упраўленнем па адукацыі Магілёўскага аблвыканкама і партнёрамі.

На мерапрыемстве будуць прадстаўлены ўсе ўстановы вышэйшай і сярэдняй спецыяльнай адукацыі, якія займаюцца падрыхтоўкай IT-спецыялістаў. Рабятам раскажуць, якую спецыяльнасць можна атрымаць у гэтых навучальных установах, а таксама аб умовах паступлення і навучання.

Таксама на сустрэчы выступяць спецыялісты прадпрыемстваў і ІТ кампаній. Яны падзеляцца са школьнікамі інфармацыяй аб прафесіях у IT-галіне і раскажуць, чым непасрэдна займаюцца спецыялісты.

Кірмаш пройдзе ў Магілёўскім абласным ліцэі №3 (Магілёў, праспект Міра, 10А). Пачатак аб 11-й гадзіне. Для ўдзелу неабходна абавязкова зарэгістравацца на сайце marr.by (http://marr.by/2023/03/01/yarmarka-it-speczialnostej/).

Рэд.