Старшыня Магілёўскага абласнога Савета дэпутатаў Аляксандр Гарошкін правёў асабісты прыём грамадзян

Старшыня Магілёўскага абласнога Савета дэпутатаў Аляксандр Гарошкін правёў сёння асабісты прыём грамадзян.

Першым на прыём да кіраўніка прадстаўнічай улады прыйшоў дэлегат ініцыятыўнай групы, нязгоднай з узвядзеннем храма па вул.Якубоўскага. На думку заяўніка, азначанае для будаўніцтва месца з'яўляецца прыродаахоўнай зонай Пячэрскага лесапарку, і працы могуць нанесці шкоду навакольнаму асяроддзю.

Уважліва выслухаўшы звярнуўшыся, Аляксандр Гарошкін адзначыў, што прыхільнікаў будаўніцтва храма нашмат больш. І меркаванне гэтых людзей таксама трэба ўлічваць. Так, у Магілёўскі гарвыканкам паступіла больш за тысячу заяў з просьбай дазволіць узвядзенне царквы.

У той жа час кіраўнік дэпутацкага корпуса дадаў, што на сённяшні дзень рашэнне аб будаўніцтве храма па вуліцы Якубоўскага не прынята, бо яшчэ не распрацавана праектная дакументацыя.

Што да ахоўнай зоны, то, па прапанове Магілёўскага абласнога камітэта прыродных рэсурсаў і аховы навакольнага асяроддзя, у Нацыянальную акадэмію навук Беларусі быў адпраўлены запыт на абследаванне меркаванай пад будоўлю тэрыторыі і выдачу заключэння.

Аляксандр Гарошкін падкрэсліў, што рашэнне аб месцы будаўніцтва храма будзе прымацца толькі пасля збору ўсёй неабходнай дакументацыі з улікам меркаванняў насельніцтва.

Яшчэ адзін чалавек звярнуўся да старшыні аблсавета па садзейнічанне ў растлумачэнні правамернасці рашэння аб выдзяленні зямельнага ўчастка. Мужчыну дэталёва адказалі на пытанні.

Завяршаючы прыём, Аляксандр Гарошкін адзначыў: прымаючы тое ці іншае рашэнне, галоўная задача прадстаўніка ўлады - улічыць меркаванне кожнага, уважліва выслухаць усе бакі, максімальна ўнікаючы ў падрабязнасці.

Галіна Гаўрыловіч, фота аўтара