Старшыня Магілёўскага аблвыканкама Анатоль Ісачэнка правёў сход, прысвечаны кадравым пераменам

Віншуючы Аляксандра Старавойтава і Святлану Нячай з новымі кіруючымі пасадамі, Анатоль Ісачэнка адзначыў, што высокая ацэнка Адміністрацыяй Прэзідэнта была дадзена заслужана:

«Вы прайшлі пэўны шлях. Упэўнены, што ў вас усё атрымаецца. Хочацца пажадаць усяго самага найлепшага, каб ваш досвед і веды, атрыманыя за час працы ў рэгіёне, спатрэбіліся на рэспубліканскім узроўні. Вы разумееце тыя мэты і задачы, якія стаяць перад вамі».

Кіраўнік рэгіёну разам з намеснікамі, кіраўнікамі камітэтаў, упраўленняў і структурных падраздзяленняў Магілёўскага аблвыканкама падзякаваў Аляксандру Старавойтаву і Святлане Нячай за сумесную работу, пажадаўшы далейшых поспехаў, і ўручыў Падзякі Магілёўскага аблвыканкама.

У слове ў адказ Аляксандр Старавойтаў таксама выказаў словы ўдзячнасці прысутным у зале, адзначыўшы, што за час сваёй службы працаваў з імі рука аб руку на карысць Магілёўскай вобласці: «Хачу сказаць дзякуй усім за тое, што вы блізка да сэрца ставіцеся да праблем сферы і прыходзьце на дапамогу. На сённяшні дзень наш рэгіён - найбольш развіваецца ў сістэме аховы здароўя рэспублікі. Усё, што ад мяне будзе залежаць для таго, каб аказаць дапамогу Магілёўскай вобласці, я зраблю. Бо ад нашай працы залежаць жыцьцё і здароўе людзей».

Аляксандр Старавойтаў працаваў у Магілёўскай вобласці ў сферы аховы здароўя на працягу апошніх пяці гадоў. За гэты перыяд значна абнавілася матэрыяльна-тэхнічная база, былі падрыхтаваны спецыялісты. Сёння ўжо ў поўнай меры функцыянуюць тры сур'ёзныя міжраённыя цэнтры – у Магілёве, Бабруйску і Крычаве. Абноўлены многія службы, пачынаючы ад кардыялогіі і анкалогіі да інфекцыйнай. Прыведзены ў парадак сельскія ўстановы аховы здароўя. Практычна шэсць цэнтральных раённых бальніц знаходзяцца ў стане рэканструкцыі. Працягваюцца работы ў гарадской бальніцы хуткай медыцынскай дапамогі. Пачаты актыўныя работы па рэканструкцыі аховы здароўя Бабруйска.

«Усе гэтыя тэмы знаходзяцца пад назіранне старшыні Магілёўскага аблвыканкама, міністра аховы здароўя, - адзначыў Аляксандр Старавойтаў. - Я ўпэўнены, што ўсе гэтыя мерапрыемствы прывядуць да паляпшэння якасці аказання медыцынскай дапамогі Магілёўскай вобласці».

У сваю чаргу Святлана Нячай таксама выказала словы падзякі ўсім прысутным і запэўніла, што ўсе рашэнні ў далейшым ад яе будуць абмяркоўвацца і прымацца разам: «Я ўдзячная ўсім прысутным у зале за дапамогу ў той складаны перыяд у жыцці як для краіны, так і для усёй нашай планеты. Яго мы перажылі настолькі годна. Без агульнай калектыўнай працы гэта было б проста немагчыма. Заўсёды правільнае рашэнне прымалася ў гэтай зале гэтым калектывам. Вы заўсёды разумелі нашую службу, што трэба рабіць. Я гарантую, што ўсё, што будзе залежаць ад мяне, будзе прымацца толькі такім чынам. Па-іншаму, на мой погляд, проста не можа быць».

Дарэчы, Святлана Нячай 23 гады ў прафесіі. Пачынала з пасады загадчыцы аддзела гігіены ў Чавускім раённым цэнтры гігіены і эпідэміялогіі ў 1991 годзе. Праз 11 гадоў яна стала намеснікам галоўнага ўрача Магілёўскага абласнога цэнтра гігіены і эпідэміялогіі. У 2012-м узначаліла санітарную службу вобласці.

Галіна Гаўрыловіч, фота аўтара