Старт летняй аздараўленчай кампаніі будзе дадзены ў Магілёве 3 чэрвеня

Урачыстая лінейка, прысвечаная старту летняй аздараўленчай кампаніі і адкрыццю лагернай змены, пройдзе 3 чэрвеня на пляцоўцы Магілёўскага абласнога цэнтра творчасці. Пра гэта паведамілі ва ўстанове культуры.

З 15.00 да 16.00 перад тэатральным корпусам цэнтра творчасці будзе арганізавана работа інтэрактыўных тэматычных пляцовак: «У свеце творчасці», «Пагуляй-ка!», «Тэхнаград», «Вясёлыя старты», «Экалагічны інтэрактыў»; «Турыстычная паласа перашкод». Дзяцей чакае займальны інтэрактыў з гульнямі, конкурсамі, танцамі і песнямі.

Выдатны святочны настрой удзельнікам і гасцям мерапрыемства падораць юныя артысты заслужанага аматарскага калектыву Рэспублікі Беларусь узорнага эстраднага тэатра-студыі «Вясёлка».

Рэд.