Стартап-семінар «Паспяховая абарона праекта» для ўдзельнікаў абласнога тура рэспубліканскага маладзёжнага праекта «100 ідэй для Беларусі» адбудзецца ў пятніцу, 20 студзеня ў Беларуска-Расійскім універсітэце. Пра гэта расказалі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».
Як расказалі субяседнікі, семінар збярэ маладых прадпрымальнікаў, вучоных устаноў вышэйшай адукацыі, арганізацый, удзельнікаў рэспубліканскага маладзёжнага праекта «100 ідэй для Беларусі».
Мерапрыемства пачнецца з наведвання музейнай экспазіцыі МА УВА «Беларуска-Расійскі універсітэт». Удзельнікам будуць прадстаўлены перыяды станаўлення і развіцця ўніверсітэта, распрацоўкі і навуковыя дасягненні, а таксама дзейнасць навучальнай установы ў спартыўнай, валанцёрскай, і іншых галінах.
Затым перад маладымі наватарамі выступяць спікеры - прадстаўнікі Міністэрства адукацыі, БРУ, рэспубліканскага фіналу маладзёжнага праекта «100 ідэй для Беларусі» XI сезона.
Тэмамі выступленняў будуць: «Падтрымка маладзёжных распрацовак у рамках дзяржаўнай маладзёжнай палітыкі і іх прэзентацыя экспертнай радзе рэспубліканскага маладзёжнага праекта «100 ідэй для Беларусі»; «Абмен станоўчым вопытам і напрацоўкамі аб абароне праекта на рэспубліканскім фінале маладзёжнага праекта «100 ідэй Беларусі»; «Як абараніць свой праект».
Завершыцца мерапрыемства падвядзеннем вынікаў.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
