Стрым прэзентацыі новых спецыяльнасцей адбудзецца 25 красавіка на факультэце матэматыкі і прыродазнаўства МДУ імя А. А. Куляшова

Стрым прэзентацыі новых спецыяльнасцей адбудзецца 25 красавіка на факультэце матэматыкі і прыродазнаўства МДУ імя А. А. Куляшова. Пра гэта паведамілі ў ВНУ.

У гэтым годзе факультэт дадаткова набірае студэнтаў на «Медыка-біялагічную справу» і «Праграмнае забеспячэнне інфармацыйных тэхналогій». Абедзве спецыяльнасці запатрабаваныя на рынку працы і прадугледжваюць навучанне, якое грунтуецца на сучасных адукацыйных тэхналогіях і апошніх распрацоўках у сферы IT, экалогіі і прыродазнаўчых ведаў.

Якія перавагі атрымаюць будучыя спецыялісты, выпускнікі? На гэтыя і іншыя пытанні трэба будзе адказаць падчас стрыму, які пройдзе з удзелам дэкана факультэта Наталлі Саковіч, а таксама вядучых выкладчыкаў, студэнтаў. Анлайн-трансляцыя пачнецца ў 11.00 на афіцыйнай старонцы ФМПУКантакце. Задаваць пытанні можна будзе ў каментарыях пад відэа. Дарэчы, яны могуць тычыцца і іншых спецыяльнасцей факультэта, асаблівасцейсёлетняй уступнай кампаніі і г. д.

«Калі вы цвёрда вырашылі звязаць лёс з факультэтам матэматыкі і прыродазнаўства, у вас ёсць пытанні – задавайце. Мы абяцаем адказаць на кожнае», – падкрэсліла Наталля Саковіч.

Для тых, у каго ўжо наспела пытанне, факультэт пакінуў адрас электроннай пошты дэканата: sakovich_nv@msu.by. Усе тэмы будуць агучаны падчас стрыма.