Студэнцкі атрад «Ззянне» працуе ў Клімавіцкім раёне

Патрыятычны працоўны праект рэспубліканскага штаба студэнцкіх атрадаў Беларускага рэспубліканскага саюза моладзі «Зімовы маршрут» запланаваны ў кожным рэгіёне краіны. На Магілёўшчыне ён стартаваў 28 студзеня ў Хоцімскім раёне. Пазней байцы студэнцкага атрада «Ззянне» пераехалі ў Касцюковіцкі раён, а з 3 лютага маладыя людзі працуюць на Клімаўшчыне.

Першым месцам наведвання стала Ціманаўская сярэдняя школа. На ўрачыстай лінейцы байцы атрада выканалі пад гітару сваю песню і ўручылі дырэктару школы Ірыне Ільюшчанцы памятны падарунак. А потым студэнты, якія прадстаўляюць розныя навучальныя ўстановы Прыдняпроўскага краю, разышліся па класах.

Сёння, 4 лютага, у раённым цэнтры культуры хлопцы са зводнага атрада «Ззянне» правядуць канцэртную праграму для жыхароў раёна.

rodniva.by