Студэнцкія атрады Магілёўскай вобласці працуюць у 2020 годзе пад дэвізам #Працуем_разам!

У трэцім працоўным семестры, дэвіз якога «#Працуем_разам!», Магілёўскі абласны штаб студэнцкіх атрадаў плануе працаўладкаваць каля 3 тыс. хлопцаў і дзяўчат. І хоць афіцыйнае адкрыццё семестра запланавана ў Дзень моладзі, ужо сёння ў студатрадах рэгіёна працуе 100 чалавек.

Так, будаўнічы атрад імя К. П. Арлоўскага працуе ў ААТ «Будаўнічы трэст № 17 ордэна Працоўнага Чырвонага Сцяга». 30 байцоў занятыя на ўзвядзенні сучаснай лыжаролернай трасы са стрэльбішчам і адміністрацыйным будынкам у Чавусах, жылых дамоў у Магілёве, аграгарадку Вейна і інш.

Калектыву ААТ «Магілёўскі домабудаўнічы камбінат» дапамагаюць хлопцыі дзяўчаты будатрада імя М. К. Буянава. Яны задзейнічаны на ўзвядзенні 24-павярховага дома ў мікрараёне Казіміраўка.

Яшчэ адзін будатрад–імя Героя Савецкага Саюза П. Я. Галавачова–працуе ў СВК «Калгас “Радзіма”».

Экалагічныя атрады працуюць у Быхаўскім і Клімавіцкім лясгасах. Хлопцы і дзяўчаты задзейнічаны на ўборцы тэрыторыі, у цэху па дрэваапрацоўцы, займаюцца праполкай пасадачнага матэрыялу.

У гэтым годзе аб’ектам абласной маладзёжнай будоўлі стане новая паліклініка ў Казіміраўцы Магілёва для абслугоўвання дарослага і дзіцячага насельніцтва. Тут будуць задзейнічаны тры будаўнічыя атрады Беларуска-Расійскага ўніверсітэта. Маладыя людзі прыступяць да працы 29 чэрвеня.

Плануецца, што масава студатрады пачнуць дзейнасць пасля адкрыцця трэцяга семестра. Між тым, запіс працягваецца. Падаць заяўку студэнтам і навучэнцам для працы гэтым летам у складзе студэнцкіх атрадаў можна анлайн у групах БРСМ у сацсетках з выкарыстаннем QR-кода і хэштэгаў #Выбираем_студотряд!, #Студатрад, #Працуем_разам!, #БСО.