Стварыць ляльку-пялёнку і здзейсніць вандраванне ў мінулае прапануе музей Масленікава ў гэтыя выходныя

Магілёўскі абласны мастацкі музей ім. П. В. Масленікава запрашае на традыуійныя «Музейныя сустрэчы па выхадных». Пра гэта паведамілі ва ўстанове культуры.

Так, у суботу, 6 красавіка, у 13:00 плануецца правядзенне майстар-класа «Лялька-пялёнка». Падчас сустрэчы супрацоўнікі музея пазнаёмяць гасцей з традыцыйнымі славянскімі лялькамі, іх відамі і функцыямі, а таксама дапамогуць у стварэнні «пялёнкі» сваімі рукамі. Пасля майстар-класа наведвальнікам прапануюць азнаёміцца з выставачным праектам «Асцярожнае кола».

У нядзелю, 7 красавіка з 13:00 да 14:00 адбудзецца музейны занятак «Падарожжа ў мінулае». Удзельнікі пазнаёмяцца з калекцыяй помнікаў культуры 16-19 стагоддзяў, якія ўдалося сабраць, захаваць і адрэстаўраваць. Супрацоўнікі музея запэўніваюць, што наведвальнікі змогуць адчуць самабытнасць і адметнасць твораў мастацтва Магілёўшчыны.

Папярэдні запіс у буднія дні па тэлефонах: 8 (0222) 62-24-25, 8 (0222) 71-17-49.

Рэд.