Свята сярэднявечнай культуры «Рыцарскі фэст-2019» плануецца правесці ў Мсціславе 2-3 жніўня. Пра гэта паведаміў метадыст аддзела арганізацыйна-метадычнай і культурна-масавай работы РЦКіНТ Анатоль Вольскі.
Паводле слоў суразмоўцы, падрыхтоўка да свята ўжо стартавала. Перад культработнікамі стаіць задача прыўнесці ў фестываль нешта новае і незвычайнае.
«У мінулым годзе вялікую папулярнасць на свяце набылі гістарычныя квэст-гульні, – адзначыў Анатоль Вольскі. – Таму на гэты раз мы прыдумаем яшчэ больш захапляльныя гульні, якія будуць цікавыя і дзецям, і дарослым. Адной з разыначак фестывалю стане конкурс па падрыхтоўцы сярэднявечных напояў, у якім прымуць удзел усе жадаючыя. Канкурсанты павінны будуць прадставіць напоі, вырабленыя па старадаўніх рэцэптах: віны, збітні, розныя травяныя чаі».
Акрамя гэтага, РЦКіНТ рыхтуе дэбют музычнага калектыву, які прадставіць старадаўнія нумары ў сярэднявечным стылі, дасць гасцям свята майстар-класы старадаўняга танца і песні.
Зараз вядуцца перамовы з гістарычнымі гульнявымі клубамі. Ужо пацвердзіў свой удзел Хіславіцкі рыцарскі клуб. Чакае гасцей і якасная беларуская музыка. Яе мы пачуем ад вядомага гурта сярэднявечнай музыкі «Стары Ольса». Таксама накіравана запрашэнне прадстаўнікам Літоўскай асацыяцыі барбекю.
Па матэрыяле mstlife.by
Пры выкарыстанні матэрыялаў актыўная гіперспасылка на mogilev-region.gov.by абавязковая
02.09.2025 - 14:25
Бліны па аўтэнтычных рэцэптах можна будзе пакаштаваць 6 верасня на бліна-фэсце ў Бялыніцкім раёне
25.08.2025 - 12:26
Тры эскізы спектакляў распрацавалі артысты Магілёўскага тэатра лялек разам з расійскімі калегамі
20.08.2025 - 12:14
Чаму трэба наведаць фестываль народных промыслаў і рамёстваў «Краснапольскі глечык»
19.08.2025 - 15:31
Пейзаж Юлія Клевера «Закат» будзе прадстаўлены ў Магілёве на выставе адной карціны
18.08.2025 - 14:45
Выстава двух вялікіх майстроў жывапісу адкрыецца ў Магілёве 22 жніўня