Сяргей Нарышкін усклаў вянок да Вечнага агню на плошчы Славы ў Магілёве

Дырэктар Службы знешняй разведкі Расіі Сяргей Нарышкін і старшыня Камітэта дзяржбяспекі Іван Церцель усклалі ўчора ўвечары вянок і кветкі да Вечнага агню ля манумента «Змагарам за савецкую ўладу» на плошчы Славы ў Магілёве.

Ускладанне стала данінай памяці, глыбокай пашаны і падзякі ўсім тым, хто набліжаў Вялікую Перамогу і склаў галовы за свабоду і мірную будучыню сваёй краіны. Захаванне памяці аб падзеях Вялікай Айчыннай вайны, падтрыманне гістарычнай праўды і справядлівасці, а таксама патрыятычнае выхаванне падрастаючага пакалення на традыцыйных каштоўнасцях сталі пытаннем нацыянальнай бяспекі для народаў Беларусі і Расіі. І тут дзяржавы праяўляюць адзіную і непахісную пазіцыю.

Візіт у Магілёў стаў часткай праграмы знаходжання Сяргея Нарышкіна ў Беларусі. У першай палове дня ён сустрэўся ў Палацы Незалежнасці з Прэзідэнтам краіны Аляксандрам Лукашэнкам і абмеркаваў шэраг актуальных пытанняў, у тым ліку сітуацыю вакол Саюзнай дзяржавы, якая склалася ў выніку агрэсіўнай рыторыкі Польшчы і краін Балтыі. У зносінах з журналістамі кіраўнік Службы знешняй разведкі Расіі таксама расказаў аб рабоце па процідзеянні гераізацыі нацызму і па захаванні памяці аб Вялікай Айчыннай вайне.

Фота БЕЛТА і СБ