Сёлета гасцямі свята ў Александрыі сталі больш за 66 тыс. чалавек

Сёлета гасцямі свята ў Александрыі сталі больш за 66 тыс. чалавек. Пра гэта паведамілі ва УУС Магілёўскага аблвыканкама.

«Больш за 66 тыс. чалавек сёлета наведалі свята «Купалле» («Александрыя збірае сяброў») у Шклоўскім раёне. Адзіны інцыдэнт, які здарыўся на купальскім полі, – здарэнне з дзіцячымі батутамі. У цэлым жа свята прайшло спакойна», – падкрэслілі ва УУС.

Сёлета ўдзельнікамі свята стала 120 суб’ектаў гаспадарання, якія арганізавалі 135 гандлёвых аб’ектаў – яны размясціліся на тэрыторыі больш за 1,5 км. Для зручнасці гасцей было арганізавана каля 3 тыс. пасадачных месцаў. «За адзін дзень свята тавараабарот арганізацый гандлю склаў Br277 тыс. Было рэалізавана 4,5 т шашлыка, 9,5 тыс. л піва, 7,6 тыс. л квасу», – расказала начальнік аддзела арганізацыі гандлю і паслуг галоўнага ўпраўлення гандлю і паслуг Магілёўскага аблвыканкама Алена Куканькова.

Так, за два дні фестывалю ў Александрыі ў мінулым годзе ўдзельнікамі былі 80 суб’ектаў гаспадарання, якія арганізавалі 120 гандлёвых аб’ектаў агульнай працягласцю больш за 1,5 км. «Было арганізавана 1,5 тыс. пасадачных месцаў. Тавараабарот склаў Br201 тыс. Летась госці з’елі 3,6 т шашлыка, выпілі 6,5 тыс. л піва і 3,5 тыс. л квасу», – адзначыла Алена Куканькова.

БЕЛТА