«Такія святы аб'ядноўваюць». Каля 7 тыс. чалавек сабрала абласная патрыятычная акцыя ў Магілёве

Каля 7 тыс. чалавек сабрала ў Магілёве абласная патрыятычная акцыя «Беларусь, наперад!», прысвечаная Дню народнага адзінства.

Вялікі канцэрт-акцыя разгарнуўся на плошчы Адзінства. Для магіляўчан і гасцей горада выступілі палітычныя дзеячы, зоркі беларускай эстрады, салісты ўстаноў культуры Магілёўскай вобласці, а таксама папулярныя блогеры.

Далучыўся да маштабнай акцыі старшыня Магілёўскага аблвыканкама Анатоль Ісачанка. «Мы адзіныя і разам мы сіла. Мы з вамі шмат зрабілі, але трэба зрабіць яшчэ больш», - звярнуўся да ўдзельнікаў Анатоль Ісачанка.

Павіншавала магіляўчан і гасцей горада з такім важным для ўсёй краіны святам студэнтка 4-га курса факультэта эканомікі і права Магілёўскага дзяржаўнага ўніверсітэта імя А.А.Куляшова Дзіяна Камарова. «Я магіляўчанка, я тут нарадзілася, тут жыву і вучуся. Я заўжды займала актыўную грамадзянскую пазіцыю. Лічу, што абсалютна любы малады чалавек у нашай краіне, у нашай вобласці, у нашым горадзе можа сябе рэалізаваць, трэба проста любіць сваю краіну, быць адданым і верным свайму народу», - сказала яна.

Сярод удзельнікаў акцыі - Аляксандра Каляснёва разам з калегамі з РУП «Магілёўаблгаз». «Вельмі выдатна знаходзіцца сёння тут, са сваім калектывам, на мерапрыемстве, прысвечаным Дню народнага адзінства. Такія акцыі аб'ядноўваюць», - падзялілася эмоцыямі яна.

Яркія эмоцыі, відовішчныя канцэртныя нумары, любімыя ўсімі хіты і такія важныя для кожнага беларуса словы - акцыя ў цэнтры Магілёва атрымалася па-сапраўднаму маляўнічай і аб'ядноўваючай.

БЕЛТА, фота Галіны Гаўрыловіч