Тарыфы на ЖКП у наступным годзе павялічаць на 5 долараў

Тарыфы на жыллёва-камунальныя паслугі ў наступным годзе вырастуць на 5 долараў. Пра гэта заявіў першы намеснік прэм’ер-міністра Дзмітрый Крутой:

– У апошнія дні адыходзячага года традыцыйна ідзе вельмі напружаная праца. На мой погляд, у гэтым годзе мы справіліся даволі нядрэнна. У нас ёсць прагноз, бюджэт, зацверджаныя і падпісаныя кіраўніком дзяржавы. Па традыцыі будзе падпісаны дакумент аб павелічэнні тарыфаў на жыллёва-камунальныя паслугі на 5 долараў, жыллёвая праграма па ўсіх дадатках.

– Што ж тычыцца падпісанай Прэзідэнтам дзяржаўнай інвестыцыйнай праграмы на наступны год, то яна дазволіць ужо з 1 студзеня прафінансаваць больш за сто праектаў, – удакладніў першы віцэ-прэм’ер:

– З 1 студзеня мы зможам працягнуць фінансаванне 107 праектаў і паспяхова асвоіць больш за 580 мільёнаў рублёў інвестыцый менавіта за кошт бюджэту. Можна сказаць, што ў наступны год мы ўступаем у поўным узбраенні і з поўным пакетам падпісаных нарматыўных дакументаў.

СБ