Тэматычную фотавыставу БелТА рыхтуе да Дня пісьменства ў Бялынічах

Тэматычную фотавыставу «Традыцыі суверэннай Беларусі» рыхтуе Беларускае тэлеграфнае агенцтва да Дня пісьменства ў Бялынічах.

Госці свята змогуць убачыць 48 фотаработ і калажаў па матывах аднайменнай кнігі БелТА, якая была прэзентаваная на XXVII Мінскай міжнароднай кніжнай выставе-кірмашы ў лютым гэтага года.

«Як у кнізе, так і на выставе будуць прадстаўлены найбольш значныя і знакавыя падзеі беларускага народнага календара і ініцыятывы Прэзідэнта, якія таксама паспелі стаць традыцыямі. Святкаванне Дня Незалежнасці і Дня Перамогі, Калядны турнір аматараў хакея і «Залатая шайба», фестываль «Александрыя збірае сяброў» – гэта толькі малая частка таго, што гуртуе нашу нацыю, сімвалізуе сілу народнага адзінства і выклікае пачуццё гонару за родную зямлю», – адзначылі ў агенцтве.

Да гэтага фотавыстава двойчы дэманстравалася ў Палацы Рэспублікі ў Мінску.

БЕЛТА