Абласны фестываль творчасці інвалідаў з парушэннем слыху «Тэрыторыя жэсту» пройдзе 13 верасня ў Магілёве. Мерапрыемства прымеркавана да Міжнароднага дня глухіх, расказалі ў Магілёўскай абласной арганізацыі Беларускага таварыства глухіх.
У фестывалі прымуць удзел творчыя калектывы ўстаноў культуры Беларускага таварыства глухіх, а таксама Бабруйская спецыяльная школа-інтэрнат. Мерапрыемства накіравана на развіццё творчага патэнцыялу людзей з парушэннем слыху, іх інтэграцыю ў агульную сацыякультурную прастору.
Творчыя калектывы, якія прайшлі адбор, прадставяць на заключным гала-канцэрце фестывалю 35 нумароў у некалькіх намінацыях: жэставы спеў, аўтарская паэзія і мастацкае слова, харэаграфічнае і тэатральнае мастацтва, арыгінальны жанр. Дадаткова ў намінацыі «выяўленчае і дэкаратыўна-прыкладное мастацтва» будзе прадстаўлена выстаўка «Добрых рук майстэрства».
Мерапрыемства пройдзе ў Доме культуры прадпрыемства «Мэтыз» па вул. Касманаўтаў, 27а. Пачатак гала-канцэрта - у 15.30.
Пры выкарыстанні матэрыялаў актыўная гіперспасылка на mogilev-region.gov.by абавязковая
03.05.2024 - 11:13
03.05.2024 - 10:47
02.05.2024 - 15:29