Традыцыйны конкурс дэкаратыўна-прыкладнога і выяўленчага мастацтва пройдзе ў Магілёве

Конкурс дэкаратыўна-прыкладнога і выяўленчага мастацтва «Каляровая скарбонка – 2023» пройдзе ў Магілёве 8-9 снежня. Пра гэта паведамілі ва ўпраўленні культуры Магілёўскага гарвыканкама.

Конкурс будзе праходзіць на базе дзіцячай школы выяўленчых мастацтваў.

Як расказалі ў гарвыканкаме, такі конкурс у абласным цэнтры праходзіць з 2015 года. І па традыцыі яго тэматыка - навагоднія і калядныя святы, казачныя героі, цікавыя зімовыя сюжэты.

У гэтым годзе ўдзельнікамі творчага спаборніцтва сталі дзеці і падлеткі ва ўзросце ад 5 да 16 гадоў. Усяго было пададзена больш за сто заявак у намінацыях: выяўленчае мастацтва, выцінанка, кераміка, лялька і цацка, дэкаратыўныя аб'ёмна-прасторавыя кампазіцыі і батык.

У выставачнай зале Музея гісторыі Магілёва 22 снежня пройдзе адкрыццё выставы «Казкі зімовага Магілёва», дзе будуць прадстаўлены работы ўдзельнікаў конкурсу і юных мастакоў горада.

Адкрыццё запланавана на 16.00.

БЕЛТА